Бо ташаббуси факултети технологияҳои компютерӣ ва амнияти киберии Донишгоҳи инноватсия ва технологияҳои рақамии Тоҷикистон чорабинии маърифатию ҳуқуқӣ дар мавзуи «Саҳми Пешвои миллат дар таҳияи Конститутсияи Ҷумҳурии Тоҷикистон» баргузор гардид.
Дар ҷараёни чорабинӣ иштирокдорон оид ба таърихи таҳия ва қабули Конститутсияи Ҷумҳурии Тоҷикистон, нақши таърихии Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар ташаккули низоми ҳуқуқии кишвар ва таҳкими пояҳои давлатдории миллӣ андешаронӣ намуданд.
Зимни баромадҳо таъкид гардид, ки Конститутсияи Ҷумҳурии Тоҷикистон ҳамчун санади олии ҳуқуқии кишвар дар таҳкими истиқлолияти давлатӣ, таъмини волоияти қонун, ҳифзи ҳуқуқу озодиҳои инсон ва шаҳрванд, инчунин фароҳам овардани заминаҳои рушди устувори ҷомеа нақши калидӣ дорад.
Ҳамзамон, зикр шуд, ки омӯзиш ва риояи меъёрҳои Конститутсия, баланд бардоштани маърифати ҳуқуқӣ ва эҳтиром ба арзишҳои миллӣ аз вазифаҳои муҳими ҳар як шаҳрванди кишвар, бахусус ҷавонону донишҷӯён ба шумор меравад.
Дар фарҷоми чорабинӣ иштирокдорон атрофи мавзуи баррасишуда мубодилаи афкор намуда, баргузории чунин чорабиниҳоро дар баланд бардоштани маърифати ҳуқуқӣ, таҳкими худшиносии миллӣ ва тарбияи ватандӯстии ҷавонон муҳим арзёбӣ карданд.