Дар Донишгоҳи инноватсия ва технологияҳои рақамии Тоҷикистон бо ташаббуси кафедраи табиӣ-риёзӣ ҳамоиши илмӣ-назариявӣ таҳти унвони «Тадқиқи кайҳон давом дорад», бахшида ба 35-солагии Истиқлоли давлатии Ҷумҳурии Тоҷикистон ва 65-солагии нахустин парвози инсон ба кайҳон, баргузор гардид.

Ҳамоиш бо сухани ифтитоҳӣ ва табрикотии муовини ректор оид ба илм ва рушди рақамӣ Собир Исозода оғоз ёфта, зимни он аҳамияти чунин чорабиниҳои илмӣ дар таҳкими ҷаҳонбинии ҷавонон, рушди тафаккури илмӣ ва ҷалби онҳо ба таҳқиқоти муосир таъкид гардид.

Сипас, декани факултети «Технологияҳои рақамӣ ва амнияти киберӣ», номзади илмҳои педагогӣ Зебо Ахмедзода иштирокчиёнро ба муносибати ин санаҳои таърихӣ табрик намуда, ба иқдоми кафедраи фанҳои табиӣ-риёзӣ дар самти ташкили чунин ҳамоишҳои илмӣ баҳои баланд дод.

Дар идомаи чорабинӣ маърӯзаҳои илмии пурмуҳтаво пешниҳод гардиданд. Аз ҷумла, дотсент Ғафоров С. дар мавзуи «Тадқиқи кайҳон давом дорад» баромад намуда, роҷеъ ба дастовардҳои муосири илми кайҳоншиносӣ ва дурнамои он маълумоти ҷолиб ироа кард.

Ҳамзамон, донишҷӯён низ бо маърӯзаҳои худ фаъолона иштирок намуданд:
– Куканзода Мавлуда дар мавзуи «Зеҳни сунъӣ дар тадқиқоти кайҳон»;
– Муродалиева Назокат дар мавзуи «Нақши тоҷикон дар рушди кайҳон»;
– Мирзозода Мирзо дар мавзуи «Ҳолати имрӯза ва ояндаи кайҳон».

Дар фарҷоми ҳамоиш мудири кафедраи фанҳои табиӣ-риёзӣ, дотсент Абдурашидова У.Ҷ. сухани хотимавӣ ироа намуда, аҳамияти рушди илм, дастгирии ташаббусҳои академӣ ва ҷалби ҷавонон ба таҳқиқоти инноватсиониро муҳим арзёбӣ намуд.

Ҳамоиш дар фазои илмӣ ва руҳияи баланди маърифатӣ баргузор гардида, барои баланд бардоштани сатҳи дониш ва ҷаҳонбинии иштирокчиён мусоидат намуд.