Дар доираи татбиқи нақшаи чорабиниҳои илмӣ-таълимии кафедраи технологияҳои барномасозӣ ва зеҳни сунъӣ ва бо мақсади боз ҳам такмил бахшидани сифати раванди таълим, дар Донишгоҳи инноватсия ва технологияҳои рақамии Тоҷикистон дарси кушоди намунавӣ дар фазои илмии созанда ва бо иштироки фаъоли омӯзгорону донишҷӯён баргузор гардид.

Дарси кушоди мазкур аз ҷониби ассистенти кафедра Подабонов Шокир дар мавзуи муҳим ва мубрами замони муосир – «Анатомияи компютер. Насби таҷҳизоти компютерҳои фардӣ» баргузор гардида, фарогири масъалаҳои калидии соҳаи технологияҳои иттилоотӣ, аз ҷумла сохтори дохилии компютер, вазифа ва аҳаммияти ҷузъҳои асосӣ, ҳамчунин принсипҳои дуруст ва бехатари насби таҷҳизоти техникӣ буд.

Зимни баргузории дарс, таваҷҷуҳи махсус ба омезиши донишҳои назариявӣ бо малакаҳои амалӣ равона гардида, иштирокчиён имконият пайдо намуданд, ки бо истифода аз усулҳои муосири таълим ва таҷрибаҳои амалӣ донишу ҷаҳонбинии касбии худро такмил бахшанд. Муҳити дарс бо рӯҳияи баланди илмӣ, мубодилаи фаъоли афкор, саволу ҷавобҳои судманд ва иштироки густурдаи донишҷӯён ғанӣ гардонида шуд, ки ин ҳама ба болоравии сифати дарс ва таъсирнокии он мусоидат намуд.

Қобили зикр аст, ки баргузории чунин дарсҳои кушод яке аз воситаҳои муҳими такмили маҳорати касбии омӯзгорон, ҷорӣ намудани усулҳои инноватсионии таълим ва баланд бардоштани сатҳи омодагии мутахассисони оянда ба шумор меравад. Ин гуна иқдомҳо, пеш аз ҳама, барои ташаккули тафаккури техникию рақамӣ ва мутобиқшавии донишҷӯён ба талаботи бозори меҳнат аҳаммияти хоса доранд.

Дар маҷмӯъ, дарси кушоди баргузоргардида ҳамчун як иқдоми муассир ва намунаи барҷастаи татбиқи таҷрибаҳои пешқадами таълимӣ арзёбӣ гардида, дар самти баланд бардоштани сифати таҳсилот, рушди қобилиятҳои амалии донишҷӯён ва омодасозии мутахассисони баландихтисоси рақобатпазир саҳми назаррас мегузорад.