23 июни соли 2026 роҳбарияти Донишгоҳи инноватсия ва технологияҳои рақамии Тоҷикистон дар конференсияи илмӣ-назариявии ҷумҳуриявӣ таҳти унвони «Татбиқи ҳадафи чоруми стратегии кишвар: иҷроиш, равандҳо ва мушкилот», ки дар Муассисаи давлатии «Китобхонаи миллӣ»-и Дастгоҳи иҷроияи Президенти Ҷумҳурии Тоҷикистон баргузор гардид, иштирок намуданд.
Конференсияи мазкур дар доираи татбиқи «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф барои солҳои 2020–2040» ташкил гардида, намояндагони Дастгоҳи иҷроияи Президенти Ҷумҳурии Тоҷикистон, роҳбарияти вазорату идораҳои дахлдор, олимону коршиносон, инчунин намояндагони муассисаҳои таҳсилоти олии касбӣ ва миёнаи касбиро ба ҳам овард.
Дар ҷараёни кори конференсия масъалаҳои муҳими марбут ба татбиқи ҳадафи чоруми стратегии кишвар, рушди соҳаҳои илму маориф, технологияҳои рақамӣ ва омодасозии кадрҳои баландихтисос мавриди баррасӣ қарор гирифтанд.
Зимни баромадҳо таъкид карда шуд, ки таҳкими ҳамкории муассисаҳои илмӣ ва таълимӣ бо бахши истеҳсолот, инчунин ҷалби ҷавонон ба самтҳои муҳандисӣ, технологияҳои иттилоотӣ ва илмҳои дақиқ, аз ҷумлаи омилҳои калидии татбиқи муваффақонаи ҳадафҳои стратегии Ҷумҳурии Тоҷикистон ба шумор меравад.
Иштироки роҳбарияти Донишгоҳи инноватсия ва технологияҳои рақамии Тоҷикистон дар чунин ҳамоишҳои сатҳи ҷумҳуриявӣ ба таҳкими ҳамкориҳои илмӣ, табодули таҷриба ва татбиқи босамари ҳадафҳои стратегии давлат дар самти рушди илму маориф ва технологияҳои рақамӣ мусоидат менамояд.
