Дар кафедраи забони давлатӣ ва забонҳои муосири хориҷии Донишгоҳи инноватсия ва технологияҳои рақамии Тоҷикистон маҳфили илмӣ-адабии донишҷӯён таҳти унвони «Русская речь» дар фазои созандаи илмиву фарҳангӣ баргузор гардид.

Маҳфили мазкур бо мақсади тақвияти сатҳи забондонӣ, рушди малакаҳои нутқ, баланд бардоштани ҷаҳонбинии адабӣ ва ҷалби донишҷӯён ба мутолиа ва таҳлили осори бадеӣ роҳандозӣ гардида, дар доираи нақшаи чорабиниҳои кафедра амалӣ карда шуд.

Зимни баргузории маҳфил иштирокчиён дар мавзӯи муҳими забоншиносӣ — «Наклонения глагола» баромад намуда, масъалаҳои назариявӣ ва амалии онро мавриди таҳлилу баррасӣ қарор доданд.

Ҳамзамон, асари маъруфи адиби барҷастаи рус М.Ю. Лермонтов — «Герой нашего времени» таҳлил гардида, ҷанбаҳои муҳими бадеӣ, мазмунӣ ва ғоявии он аз ҷониби донишҷӯён бо далелҳои мушаххас шарҳу тавзеҳ дода шуд.

Дар рафти чорабинӣ донишҷӯён маҳорати суханронӣ, қобилияти таҳлил ва дониши амиқи худро ба намоиш гузошта, бо баромадҳои ҷолибу мазмуннок фазои маҳфилро ғанӣ гардониданд.

Омӯзгорони кафедра низ бо пешниҳоди тавсияҳои муфид ва андешаҳои илмии худ ба баланд гардидани сатҳи муҳокимаҳо мусоидат намуданд.

Маҳфили «Русская речь» ҳамчун платформаи муҳими илмиву маърифатӣ барои рушди қобилиятҳои зеҳнӣ ва коммуникативии донишҷӯён арзёбӣ гардида, бо сатҳи баланди ташкил ва иштироки фаъолонаи донишҷӯён ҷамъбаст гардид.