Донишгоҳи инноватсия ва технологияҳои рақамии Тоҷикистон дар ҳамкорӣ бо Донишгоҳи молияи назди Ҳукумати Федератсияи Россия рӯзҳои 16-17 октябри соли 2025 Конференсияи байналмилалии илмӣ-амалиро дар мавзуи «Додаҳои калон ва зеҳни сунъӣ дар рушди илм, саноат ва ҷомеа» баргузор менамояд.
Дар Конференсияи мазкур олимон, муҳаққиқон, омȳзгорон, аспирантон, унвонҷȳён, магистрантон, мутахассисон аз идораву ташкилотҳо, пажȳҳишгоҳҳои илмӣ-таҳқиқотӣ ва муассисаҳои таҳсилоти олии касбӣ даъват карда мешавад.
Бахшҳои кори Конференсия:
- Додаҳои калон ва зеҳни сунъӣ дар илм, маориф ва таҳқиқоти рақамӣ;
- Асосҳои назариявӣ ва методологии додаҳои калон, зеҳни сунъӣ ва омӯзиши мошинӣ;
- Истифодаи зеҳни сунъӣ ва додаҳои калон дар саноат, истеҳсолот ва энергетика;
- Додашиносӣ ва зеҳни сунъӣ дар соҳаи тандурустӣ, биоинформатика ва экология;
- Зеҳни сунъӣ ва додаҳои калон дар рушди иҷтимоию иқтисодӣ ва идоракунии давлатӣ.
